Адзін з затрыманых за забойства Нямцова прызнаў сваю віну (фота)
У судзе назвалі імёны ўсіх затрыманых за забойства Нямцова. Новыя фігуранты справы — Бахаеў і Эскерханаў.
Басманны суд Масквы назваў імёны ўсіх затрыманых па справе аб забойстве апазіцыйнага расійскага палітыка Барыса Нямцова. Нагадаем, што раней называліся імёны Заура Дадаева, братоў Азора і Шагіда Губашавых. Як перадае interfax.by, новымі затрыманымі сталі Бахаеў і Эскерханаў. Пра гэта паведаміла прэс-сакратар суда Ганна Фадзеева.
Іх даставілі ў суд, каб разгледзець хадайніцтва следства аб арышце.
Раней СМІ паведамлялі, што адзін з затрыманых — Рустам Юсупаў, калега Дадаева па службе ў МУС Чачні. Аднак гэтыя звесткі не пацвердзіліся.
Паводле звестак тэлеканала "Дождь", Заур Дадаеў прызнаў у судзе сваю віну. Ён арыштаваны да 28 красавіка. Як паведамлялася раней, Дадаеў — былы намеснік камандзіра палка ў батальёне "Поўнач" МУС Чачні.
Фота — @alexeniy, REUTERS/Tatyana Makeyeva
