Аляксандр Лукашэнка выказаў спачуванне ў сувязі са смерцю Гарсія Маркеса
Кіраўнік Беларусі адрасаваў яго прэзідэнту Калумбіі Хуану Мануэлю Сантасу, родным і блізкім пісьменніка, а таксама ўсяму калумбійскаму народу.
Нагадаем, што вядомы пісьменнік, журналіст і палітычны дзеяч, лаўрэат Нобелеўскай прэміі па літаратуры Габрыэль Гарсія Маркес памёр 17 красавіка 2014 года.
Як адзначаецца ў спачуванні, у Беларусі вестка пра смерць Маркеса была ўспрынятая з глыбокім болем і смуткам, перадае БЕЛТА. Кіраўнік дзяржавы падкрэсліў, што творчасць Маркеса, прасякнутая глыбокай любоўю, цеплынёй і павагай да чалавека і Радзімы, прынесла яму славу вялікага майстра сусветнай прозы і знайшла шмат прыхільнікаў сярод беларускіх чытачоў.
Фота — mediablender.com.ua
