Наведніца заўважыла прусакоў пад лежакамі мінскага аквапарка
Прусак, ілюстрацыйнае фота / dacha.avgust.com
Пад лежакамі ў аквапарку "Лебядзіны" ў Мінску наведнікі заўважылі нашэсце прусакоў. Відэа з імі адна з адпачывальніц апублікавала ў сацсетцы TikTok, пазначыўшы, што яно было знятае 16 лістапада.
У адміністрацыі "Аква-Мінск" журналістам заявілі, што ў іх праводзяцца ўсе неабходныя дэзінсекцыйныя мерапрыемствы.
"Па сутнасці відэа, размешчанага ў сацыяльнай сетцы TikTok, адміністрацыя РК "Аквапарк "Лебядзіны" інфармуе: спецыялістамі комплексу з прыцягненнем супрацоўнікаў Цэнтра гігіены і эпідэміялогіі на сістэмнай аснове праводзяцца дэзінсекцыйныя і дэратызацыйныя мерапрыемствы", — цытуе Onliner афіцыйны адказ.
