Байдарачніца Літвінчук — у паўфінале спаборніцтваў на 500 м
Байдарачніца Марына Літвінчук, якая прадстаўляе Беларусь на Алімпіядзе, выйшла ў паўфінал турніру на дыстанцыі 500 метраў.
Яна адолела гэтую адлегласць за 1 хвіліну 53,966 секунды. У сваім заедзе Літвінчук была другой. Яна саступіла толькі трохразовай алімпійскай чэмпіёнцы Дануце Козак з Венгрыі (1.53,427).
Спаборніцтвы за выхад у фінал адбудуцца таксама сёння.
