Беларусы хочуць сваю выбарчую акругу ў Польшчы
З такой ініцыятывай выступілі прадстаўнікі мясцовых уладаў Гайнаўскага павета Падляшскага ваяводства.
Яны хочуць, каб мясцовасці кампактнага пражывання беларусаў на выбарах у Падляшскі сеймік былі аб’яднаныя ў адну акругу. Пагатоў, што гэта прадугледжана ў заканадаўстве — прадстаўнікі нацыянальных меншасцяў маюць права галасаваць у адной акрузе.
Аднак супраць новаўвядзення выступае маршалак ваяводства Яраслаў Дваржанскі, паведамляюць мясцовыя СМІ.
У сваю чаргу Дэпутат польскага Сейма, беларус па нацыянальнасці, Яўген Чыквін называе пазіцыю маршалка незразумелай. А цяперашні падзел акругаў на мясцовых выбарах дэпутат называе нечай “злой воляй”.
