Беларусы спрабуюць эвакуіравацца з сектара Газа
Руіны пасля авіяўдару / Reuters
Беларусы спрабуюць эвакуіравацца з сектара Газа. Грамадзян РБ і РФ уключаюць у спецыяльны спіс. Па звестках прадстаўніцтва РФ у Палесціне, цяпер у спісе ўжо 400 чалавек.
Сектар Газа, у якім ёсць грамадзяне Беларусі (у асноўным гэта жанчыны з дзецьмі), заблакаваны Арміяй абароны Ізраіля. Па аб'ектах ХАМАС у ім наносяцца авіяўдары.
На сёння вядома пра, як мінімум, траіх беларусаў, якія пацярпелі з-за атакі ХАМАС на Ізраіль. Лекары змагаюцца за жыццё грамадзянкі Беларусі, якая трапіла пад ракетны абстрэл баевікоў. Шпіталізаваны і яе сын, у яго лёгкія раненні. У яшчэ адной беларускі траўма нагі.
