Бліжэйшым часам у Беларусь прыбудзе прэзідэнт Індыі
Пра гэта ён паведаміў на сустрэчы з міністрам замежных спраў нашай краіны.
Прэзідэнт Індыі Пранаб Мукерджы хоча бліжэйшым часам наведаць Беларусь. Пра гэта ён паведаміў міністру замежных спраў Беларусі Уладзіміру Макею, які знаходзіцца з афіцыйным візітам у Індыі.
Мукерджы адзначыў сяброўскі характар адносін Індыі ды Беларусі. Як паведамляе прэс-служба МЗС, бакі пагадзіліся, што ёсць вялікі патэнцыял ўзаемадзеяння паміж краінамі ў гандлёва-эканамічнай сферы.
Таксама Уладзімір Макей правёў перамовы з міністрам замежных спраў Індыі Сушмой Сварадж.
У беларускую дэлегацыю ў Індыі акрамя дыпламатаў увайшлі таксама кіраўнікі БелАЗа, Мінскага трактарнага завода, Беларускай калійнай кампаніі.
Фота — mfa.gov.by
