Больш за 150 нелегальных мігрантаў развярнулі за суткі польскія пагранічнікі
Польшча ўвяла рэжым надзвычайнага становішча на мяжы ў сувязі з сітуацыяй з мігрантамі / Reuters
Польскія памежнікі ў нядзелю спынілі больш за 150 спроб нелегальнага перасячэння мяжы, паведаміла пагранслужба Польшчы ў Twitter.
Адзін чалавек быў затрыманы. Гэта грамадзянін Конга, які меў патрэбу ў медыцынскай дапамозе. У яго была траўмаваная нага. Памежнікі выклікалі мужчыну хуткую дапамогу, яго адвезлі ў бальніцу.
Літоўскія памежнікі зрабілі справаздачу, што за суткі вярнулі ў Беларусь 40 мігрантаў, якія спрабавалі нелегальна трапіць у краіну.
Латвія, Літва і Польшча з-за ўзрослай плыні мігрантаў, якія ідуць з тэрыторыі Беларусі, вымушаныя былі ўвесці на мяжы надзвычайнае становішча. У гэтых краінах мяркуюць, што міграцыйны крызіс мае рукатворны характар і да яго стварэння датычныя беларускія ўлады. У ЕС гатовыя абмяркоўваць пяты пакет санкцый супраць Мінска ў адказ на міграцыйны крызіс.
