Брэсцкае “Дынама” ўпусціла перамогу ў матчы з “Тарпеда”

Брэсцкае “Дынама” ўпусціла перамогу ў матчы са сталічным “Тарпеда”. 2 чэрвеня каманды правялі гульню ў рамках 10 тура чэмпіянату Беларусі па футболе на стадыёне ФК “Мінск”. На 30-й хвіліне госці адкрылі лік голам Аляксея Гаўрыловіча і трымалі мінімальную перавагу (1:0) да апошніх хвілінаў гульні. Але ў кампенсаваны час хаўбэк тарпедаўцаў Павел Кляньё зраўняў лік і ў выніку атрымалася нічыя —  1:1.

Раней у 10-м туры “Нёман” саступіў салігорскаму “Шахцёру” —  0:1, а сталічнае “Дынама” мінімальна выйграла ў “Мінска” —  1:0.

Сёння таксама гуляюць “Дняпро” —  “Віцебск”, “Гомель” —  “Прамень”, “Гарадзея” —  БАТЭ.

Завершыцца тур у нядзелю, 3 чэрвеня матчамі “Іслач” —  “Смалявічы” і “Тарпеда-БелАЗ” —  “Слуцк”.