Былы афіцэр "Алмаза": па справе аб "злівах" затрымалі 4 супрацоўнікаў КДБ

"Я атрымаў інфармацыю, што затрыманы зусім нядаўна, літаральна некалькі дзён таму чатыры супрацоўнікі аператыўна-тэхнічнага аддзела КДБ, якія займаліся праслухоўваннем тых асобаў, якія блізкія да акружэння Лукашэнкі, — кажа Макар. — Гэтыя людзі, грунтуючыся на сваіх маральных прынцыпах, на сваім грамадзянскім доўгу, абсалютна без аплатаў і грошай яны гэтую інфармацыю перадавалі Сцяпану Пуцілу, і гэта ўсё публікавалася...".

Пазней Пуціла абверг заяву Макара. Ён кажа, што застаецца на сувязі са сваёй крыніцай.

Што да "зліву" запісаў з відэакамер сілавікоў, то Макар лічыць, што супрацоўнікі спецслужбаў, якія іх публікуюць, "робяць сабе алібі", "хочуць перайсці на бок народа і робяць гэта як могуць".