BYPOL падазрае, што за разборкамі ў апазіцыі могуць стаяць спецслужбы

Менавіта таму, па словах прадстаўніка BYPOL, і "адбываюцца ўсе гэтыя падзеі". Аднак гэта не абавязкова азначае, што ўсе крытыкі Ціханоўскай — "агентура".

"Не факт, што ім канкрэтна [далі заданні]. Можна выбраць людзей, такіх, з няўстойлівай псіхікай, якія могуць такую інфармацыю выносіць у свет. Ім гэтую інфармацыю падаюць спецслужбы... Калі ён супрацоўнічае, то ведае, што гэта спецслужбы, калі не — то гэта можа быць інфармацыя ад ананімаў, "удзячных беларусаў", крыніц. Усё гэта падаецца, і чалавек можа нават сам не разумець, што ён робіць, што ён рэальна шкодзіць агульнай справе. Нельга адназначна сказаць, што гэта "агенты", — дадае прадстаўнік ініцыятывы экс-сілавікоў.

Азараў дадаў, што канкрэтна ў ініцыятывы BYPOL якіх-небудзь сур'ёзных прэтэнзій да дыпламатычных структур, у тым ліку Офіса Ціханоўскай, няма. Ён удакладніў, што прэтэнзіі па фінансавых пытаннях у прынцыпе неабгрунтаваныя, таму што Офіс не ўдзельнічае ў размеркаванні грантаў і не мае да іх доступу, у адрозненне ад міжнародных фондаў.