Чарговы буйны адукацыйны цэнтр прыпыніў дзейнасць у Беларусі
Анлайн-курсы
Буйны адукацыйны цэнтр “Лідар” ужо месяц як не працуе.
“Адукацыйны цэнтр “Лідар” прыпыніў пакуль сваю дзейнасць, таму, на жаль, мы не можам вам прапанаваць нашы паслугі, якія былі дагэтуль”, — сказаў суразмоўца з кампаніі журналісту Еўрарадыё.
Паводле яго слоў, гэтае рашэнне прынятае "вышэйшым кіраўніцтвам", але яго прычына невядомая. Хутчэй за ўсё, цэнтр больш не адновіць сваю працу.
Тым не менш, у "Картатэцы" таварыства з абмежаванай адказнасцю "Мая маці", пад эгідай якога дзейнічаў цэнтр, арганізацыя ўсё яшчэ пазначаная як дзейная.
Апошні пост у Instagram "Лідара" датуецца 2 верасня, калі цэнтр прапаноўваў зніжкі на курсы. У жніўні таксама набіраліся групы для навучання.
Адзін з найбуйнейшых адукацыйных цэнтраў у Беларусі
Адукацыйны цэнтр “Лідар” існуе з 1999 года і мае вучняў з 27 гарадоў Беларусі. Паводле закона, дзейнасць, звязаная з курсамі для дарослых, не патрабуе ліцэнзіі Міністэрства адукацыі.
