Ціханоўская абмеркавала ў Вялікабрытаніі, як закрыць шчыліны ў санкцыях
Святлана Ціханоўская абмеркавала ў кіраўніком МЗС Вялікабрытаніі Дамінікам Раабам, як закрыць шчыліны ў санкцыях супраць уладаў Беларусі. Сустрэча прайшла ў Лондане 3 жніўня.
Як паведамляе прэс-служба Ціханоўскай, таксама абмяркоўвалася сітуацыя з беларускімі палітвязнямі, апошнія гучныя падзеі — спробу высылкі з Алімпіяды лёгкаатлеткі Крысціны Ціманоўскай, гібель у Кіеве актывіста Віталя Шышова. Гаворка ішла пра разгляд беларускага пытання ў міжнародных арганізацыях (уключна з G7 і G20), правядзенне канферэнцыі высокага ўзроўню, пра падтрымку грамадзянскай супольнасці Беларусі, якая перажывае "зачыстку", пра павелічэнне "кантэнту пра Беларусь" на "Бі-Бі-Сі".
"Мы салідарныя з беларускім народам, грамадзянскай супольнасцю і незалежнымі СМІ", — напісаў Рааб у Twitter. Ён назваў Ціханоўскую "адважным лідарам беларускай апазіцыі".
У аўторак Святлана Ціханоўская сустракалася з прэм'ер-міністрам Вялікабрытаніі Борысам Джонсанам.
Today I met courageous Belarus opposition leader Sviatlana @Tsihanouskaya to discuss the UK’s unwavering support for the democratic movement in Belarus.
— Dominic Raab (@DominicRaab) August 3, 2021
We stand in solidarity with the Belarusian people, civil society & an independent media. pic.twitter.com/nvxl2i8HGH
