Палітзняволеную Дар'ю Лосік асудзілі на 2 гады калоніі

Два гады калоніі агульнага рэжыму — такі тэрмін прысудзілі палітзняволенай Дар'і Лосік, перадае БЕЛТА. Менавіта столькі запрасіў і пракурор.

Справу жанчыны разглядаў Брэсцкі абласны суд. Дар'ю Лосік прызналі вінаватай у "садзейнічанні экстрэмісцкай дзейнасці".

На судзе жонка палітвязня Ігара Лосіка поўнасцю прызнала сваю віну і прасіла прызначыць пакаранне, не звязанае з пазбаўленнем волі. Аднак суд да гэтай просьбы не прыслухаўся.

На судзе прысутнічалі бацькі Дар'і.

Дар'ю Лосік затрымалі 18 кастрычніка 2022 года. Падставай стала інтэрв'ю, якое яна дала тэлеканалу "Белсат", прызнанаму ў Беларусі "экстрэмісцкім фармаваннем".