Дональд Трамп прагаласаваў на выбарах

Дональд Трамп прагаласаваў на выбарах прэзідэнта ЗША. Кандыдат у прэзідэнты ад Рэспубліканскай партыі прыбыў на свой выбарчы ўчастак у Палм-Біч у Фларыдзе разам з жонкай Меланіяй.

Кандыдатка ў прэзідэнты ад Дэмакратычнай партыі Камала Харыс прагаласавала датэрмінова — яшчэ 3 лістапада. Яна запоўніла бюлетэнь у Мічыгане і адправіла яго ў свой родны штат — Каліфорнію.

Пасля галасавання Трамп сказаў журналістам, што адчувае сябе "вельмі ўпэўнена" і верыць у перамогу. Між тым шанцы Дональда Трампа і Камалы Харыс на выбарах ацэньваюцца як "пяцьдзесят на пяцьдзесят".

Трамп выказаў шкадаванне, што абвяшчэнне вынікаў можа заняць працяглы час. Зыход выбараў будзе ясны нашмат хутчэй толькі ў выпадку, калі адзін з кандыдатаў выйграе з вялікай перавагай.