Дзяўчынка, якую збіла аўто ўчора ў Мінску, памерла
Медыкі не змаглі выратаваць жыццё трохгадовай дзяўчынкі: каля паўночы яна памерла ў лякарні.
Як паведамляла Еўрарадыё, здарэнне адбылося 17 чэрвеня на вуліцы Розы Люксембург.
Па звестках сайта Onliner.by, ДТЗ здарылася каля 13-й гадзіны ў двары дома. 36-гадовы кіроўца Ford Mondeo жыве на гэтай жа вуліцы. Паводле папярэдніх звестак, ён рухаўся з невялікай хуткасцю. Дзяўчынка, як кажуць відавочцы, нечакана выехала на ровары з-за аўтамабіляў.
Дзіця адразу даставілі ў лякарню. Аднак выратаваць яе не ўдалося.
Расследаваннем займаюцца супрацоўнікі Следчага камітэта.
Фота — onliner.by
