Фотафакт: беларускія памежнікі знайшлі арсенал часоў Першай сусветнай вайны
Беларускія памежнікі сумесна з супрацоўнікамі міліцыі ("у рамках спецыяльных комплексных мерапрыемстваў "Арсенал") знайшлі арсенал часоў Першай сусветнай вайны. Боепрыпасы праляжалі сто гадоў у лесабалоцістай мясцовасці каля населенага пункта Раманішкі ў Пастаўскім раёне.
Як інфармуе прэс-служба Дзяржаўнага памежнага камітэта, знойдзеныя 493 медных капсуль-дэтанатара, 184 артылерыйскія ўзрывальнікі, 48 ручных гранат ўзору 1915 года i 37 — ўзору 1917-га. Іх знішчыла група размінавання.
