Фотафакт: жыхар Масквы разбіў Hyundai Santa Fe ў Глыбоцкім раёне
Жыхар Масквы разбіў Hyundai Santa Fe ў Глыбоцкім раёне. Здарэнне адбылося раніцай 5 верасня каля вёскі Прошкава. Як паведамляе прэс-служба МНС Віцебскай вобласці, аўтамабіль з'ехаў з аўтадарогі і сутыкнуўся з дрэвам. 62-гадовы кіроўца аказаўся заблакаваны ў салоне, яго вызвалілі ратавальнікі.
Грамадзянін Расіі атрымаў траўмы рознай ступені цяжкасці, яго шпіталізавалі ў Глыбоцкую цэнтральную раённую бальніцу.
