Галалёд і да +10 па паўднёвым захадзе: надвор'е на нядзелю
Люты на Палессі / Еўрарадыё
У нядзелю 11 лютага ў Беларусі будзе пахмурна з праясненнямі. Не выключаны снег, мокры снег і дождж. На асобных участках — туман, галалёд і галалёдзіца, паведамляе "Белгідрамет".
Сіноптыкі кажуць пра ўмераны паўднёва-ўсходні вецер у гэты дзень і вялікую разбежку ў тэмпературах. Уначы на паўночным усходзе краіны слупок тэрмометра апусціцца да -10, у той час як на паўднёвым захадзе будзе +3. Днём па краіне чакаецца -2 +4. Па паўднёвым захадзе — да 5-10 градусаў цяпла.
