Ігар Сергеенка афіцыйна звольнены з пасады кіраўніка Адміністрацыі Лукашэнкі
![Ігар Сергеенка, ілюстрацыйнае фота](/sites/default/files/styles/gallery_main/public/2023-08/serhiejenka-0102.jpg.webp?itok=Mp4qO75G)
Ігар Сергеенка, ілюстрацыйнае фота
Ігар Сергеенка афіцыйна звольнены з пасады кіраўніка Адміністрацыі ў сувязі з пераходам на іншую працу. Адпаведны ўказ падпісаў Аляксандр Лукашэнка, паведамляе яго прэс-служба.
Як паведамлялася раней, Сергеенка цяпер стаў спікерам Палаты прадстаўнікоў.
Таксама ў сувязі з пераходам у Палату прадстаўнікоў звольненыя ўказам Лукашэнкі міністр працы і сацыяльнай абароны Ірына Касцевіч, памочнік прэзідэнта — інспектар па Мінску Аляксандр Барсукоў, дырэктар Нацыянальнага цэнтра заканадаўства і прававых даследаванняў Вадзім Іпатаў, рэктар Акадэміі кіравання пры прэзідэнце Вячаслаў Даніловіч.
Са службы звольненыя і іншыя новыя дэпутаты — генерал-маёр Генадзь Ляпешка, які ўзначальваў Вайсковую акадэмію, і генерал-маёр юстыцыі Андрэй Ліс, які быў начальнікам упраўлення Следчага камітэта.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.