Instagram Маргарыты Ляўчук прызналі "экстрэмісцкім" ужо другі раз
Маргарыта Ляўчук / instagram.com/margarita.levchuk.official
Старонку опернай спявачкі Маргарыты Ляўчук у Instagram ужо другі раз прызналі "экстрэмісцкай". У кастрычніку такое рашэнне прыняў суд Маладзечанскага раёна, а надоечы — Мазырскага. Прычым у пастанове Мазырскага суда асабліва падкрэсліваецца, што "месцазнаходжанне акаўнта — Рэспубліка Літва". На гэта звярнулі ўвагу праваабаронцы.
Паводле іх звестак, сілавікі дадалі ў спіс "экстрэмісцкіх матэрыялаў" таксама:
- Telegram-канал "Мужицкая правда";
- Instagram-старонка politzek.ме; старонкі ў "Аднакласніках” і Facebook “Это Минск, детка”, а таксама Telegram-бот гэтага рэсурса;
- Электронную пошту thisminsk@protonmail.сом.
