Італьянца пазбавілі правоў кіроўцы за п'яную язду на кані
Непрыемна скончылася для італьянца п'яная паездка на кані па вуліцах італьянскага горада Іўрэа, піша БЕЛТА са спасылкай на газету Sentinella del Canavese.
45-гадовы мужчына ехаў па праезнай частцы зігзагамі. Відавочцы выклікалі паліцыю. Калі пад'ехаў патруль, вершнік не ўтрымаўся ў сядле і зваліўся з каня. Выявілася, што п'яны італьянец дрэнна замацаваў сядло і не здолей як след кіраваць канём.
П'янага вершніка аштрафавалі і пазбавілі правоў на кіраванне аўтамабілем. Каня правялі ў стайню паліцэйскага ўпраўлення.
