Кароткачасовыя дажджы чакаюцца на выхадных
У суботу, 3 жніўня, у Беларусі чакаецца воблачнае з праясненнямі надвор'е, інфармуе Белгідрамет.
Месцамі пройдуць кароткачасовыя дажджы, днём магчымыя навальніцы. Уначы і зранку ў асобных раёнах прагназуецца слабы туман. Вецер будзе паўночны, паўночна-заходні ўмераны.
Уначы прагназуецца 8-14 вышэй за нуль, удзень пацяплее да +16...+21. Па паўднёвым захадзе краіны сіноптыкі абяцаюць да 24 цяпла.
У нядзелю, 4 жніўня, уначы ў асобных раёнах, а зранку і ўдзень на большай частцы тэрыторыі Беларусі пройдуць кароткачасовыя дажджы. Вецер будзе паўночны, паўночна-заходні ўмераны.
Уначы тэрмометры пакажуць 5-12 цяпла, удзень чакаецца ад +13 па поўначы краіны да +22 па поўдні.
