Кароткачасовыя дажджы і замаразкі. Надвор'е ў Беларусі 30 верасня
Надвор'е ў Мінску / Еўрарадыё
Кароткачасовыя дажджы і замаразкі чакаюцца ў Беларусі 30 верасня. У Віцебскай вобласці слупкі тэрмометраў апусцяцца ўночы да -2 градусаў па Цэльсіі.
Зрэшты, так холадна будзе не ўсюды. У сярэднім тэмпература ўночы складзе 1-6 градусаў вышэй за нуль, а па паўднёвым усходзе паветра прагрэецца да плюс +7..+10 градусаў. Удзень будзе цяплей — ад +10 да +16 градусаў.
У панядзелак, 30 верасня, у Беларусі будзе воблачна з праясненнямі. На паўднёвым усходзе краіны пройдуць кароткачасовыя дажджы. Уночы і раніцай у асобных раёнах чакаецца туман. Такі прагноз даюць у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У Мінску 30 верасня абяцаюць воблачнае з праясненнямі надвор'е. Ападкаў не прадбачыцца. Уночы тэмпература ўпадзе да +4°C, а ўдзень паднімецца да +14°C.
