Керы: Спецслужбы Расіі маюць дачыненне да беспарадкаў ва Украіне
Дзяржсакратар ЗША выказаўся наконт апошніх падзеяў ва ўсходніх украінскіх абласцях.
Джон Керы перакананы, што беспарадкі ў Данецку, Луганску, Харкаве арганізоўвалі расійскія спецслужбы. Паводле яго словаў, цяпер Масква можа чакаць з боку Злучаных Штатаў больш жорсткія санкцыі.
Яны могуць закрануць энергетыку, здабычу выкапняў і банкаўскую сферу, інфармуе ВВС.
Дзяржсакратар ЗША таксама адзначыў, што дзеянні Расіі на ўсходзе Украіны могуць стаць "штучнай падставай" для ўварвання расійскіх войскаў, як гэта было ў Крыме.
Паведамляецца, што наступная сустрэча па "ўкраінскім пытанні" Джона Керы і міністра замежных спраў Сяргея Лаўрова прызначаная на наступны тыдзень.
Масква адгукнулася на прапанову ЗША пра перамовы з Кіевам
Фота — ria.ru
