Хірурга Алену Церашкову за ўдзел у пратэстах прысудзілі да "хатняй хіміі"
![Алена Церашкова](/sites/default/files/styles/gallery_main/public/2024-06/cerashkova-alena-1.jpg.webp?itok=L4OR_BYi)
Алена Церашкова / Владимир Гридин
Суд Цэнтральнага раёна Мінска вынес прысуд па справе двухразовай чэмпіёнкі Беларусі па тхэквандо, пісьменніцы і хірурга Алены Церашковай. Яе судзілі за ўдзел у акцыі пратэсту ў 2020 год і прысудзілі да трох гадоў "хатняй хіміі". Пасля абвяшчэння прысуду яе вызвалілі з-пад варты ў зале суда, пішуць праваабаронцы. Справу разглядала суддзя Юльяна Шчэрба.
Алена — маці чацвярых дзяцей, сястра актывіста і палітзняволенага Максіма Вінярскага. Раней ён быў прысуджаны да 5 гадоў пазбаўлення волі. Алену таксама раней некалькі разоў затрымлівалі за яе пазіцыю, але дагэтуль каралі штрафамі ў рамках адміністрацыйных працэсаў. Інфармацыя пра яе затрыманне ў рамках апошняй — крымінальнай — справы з'явілася 20 траўня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.