Кіроўца квадрацыкла на Лідчыне ўцякаў ад ДАІ праз лес
У лесе скончылася для супрацоўнікаў ДАІ Лідскага раёна пагоня за квадрацыклам, паведамляе сайт gaigrodno.by.
Здарэнне адбылося днямі ў Бярозаўцы. Інспектары ДАІ заўважылі на вуліцы Чапаева квадрацыкл і далі яму сігнал спыніцца. Аднак кіроўца, які не меў права рухацца па дарозе агульнага карыстання, не падпарадкаваўся і паспрабаваў уцячы.
Пагоня за ім рухалася спярша па населеным пункце, а потым — па лясным масіве. Там мотаўсюдыход паламаўся. Паколькі транспарт не меў ідэнтыфікацыйнага нумара, яго даставілі на штрафстаянку.
На кіроўцу пачалі адміністрацыйны працэс.
