Кітайскія СМІ: Расійскай пагрозы не будзе яшчэ некалькі дзясяткаў гадоў

Кітайскія СМІ актыўна абмяркоўваюць сітуацыю вакол Крыма. Яны адзначаюць, што некаторыя кітайцы занепакоеныя "ўзвышэннем Масквы" і баяцца з'яўлення "царскай Расіі ці Савецкага Саюза", што магло б стаць для Кітая "новым геапалітычным кашмарам".

У той жа час кітайскія СМІ звяртаюць увагу на тое, што ў грамадстве пануе не толькі насцярога ў адносінах да Расіі. Частка кітайцаў "высока ацэньваюць энэргічны адпор, які Пуцін даў заходнім краінам" і спадзяюцца, што гэта дапаможа знізіць "стратэгічны ціск", які заходнія дзяржавы аказваюць на Пекін. Гэтая частка кітайскага грамадства перакананая: Кітай выступае за шматпалярны свет, таму моцная Расія добра інтэгруецца ў гэтую карціну свету. Гэта лепш, чым мець справу толькі з ЗША, мяркуюць у Пекіне.

Кітайскія аналітыкі прагназуюць, што нагоды для трывогі няма — Расія не будзе ў бліжэйшыя некалькі дзясяткаў гадоў уяўляць стратэгічнай пагрозы для Кітая.
 

Фота — ria.ru