Кузняцоў: каб ніхто нікому не перашкаджаў жыць і працаваць — мая ідэя
4 сакавіка ў эфіры Еўрарадыё — публіцыст, палітолаг, заснавальнік выдання “Сильные новости” Пётр Кузняцоў.
Законы пішуць для таго, каб у краіне ніхто нікому не перашкаджаў жыць і працаваць. Кожная нацыя імкнецца да такой карціны жыцця, але беларусы ўзвялі гэтую норму ў сапраўдны культ. І тое, што сёння адбываецца ў краіне, калі законы не працуюць ці працуюць так, як камусьці захацелася, беларусы прыняць не могуць. Яны гэтаму супраціўляюцца, і гэты іх супраціў змяняе беларусаў да лепшага, перакананы Пётр Кузняцоў.
Пра тое, ці незваротныя змены да лепшага ў беларусаў, чым адрозніваецца стаўленне да падзей у краіне ў жыхароў гарадоў і вяскоўцаў, пры чым тут гісторыя і нацыянальныя каштоўнасці, мы і разважаем у праграме “Ідэя Х” з Пятром Кузняцовым.
Набыць кнігу "Беларуская нацыянальная ідэя" (PDF) можна тут
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у панядзелак і чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
Нацыянальная ідэя
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.