Лукашэнка агучыў умову вызвалення палітвязня Анджэя Пачобута

Аляксандр Лукашэнка заявіў, што гатовы вызваліць палітвязня Анджэя Пачобута,  журналіста і актывіста Саюза палякаў у Беларусі.

Ён заявіў, што пагодзіцца абмяняць Пачобута на Паўла Латушку і каманду НАУ. Пры гэтым ён называў Латушку абразлівай мянушкай.

Раней МУС Польшчы заявіў, што гатовы адкрыць пункт пропуску ў "Баброўніках" пасля вызвалення Анджэя Пачобута, асуджанага на 8 гадоў калоніі.

31 сакавіка Лукашэнка зявіў, што не будзе мяняць чалавека "на нейкі кавалак мяжы".

Таксама ён дадаў, што кіраўніца неафіцыйнага Саюза палякаў Анжаліка Борыс карыстаецца свабодай перамяшчэння і нядаўна ездзіла ў Польшчу, дзе яе маці рабілі аперацыю. "Мы яе не збіраемся нікому аддаваць, і мы яе не абмяжоўваем у перамяшчэннях", — сказаў Лукашэнка. Ён назваў Борыс "мая палячка" і заявіў, што яна саам захоча жыць у Беларусі.

Павел Латушка ўжо заявіў у адказ на словы Лукашэнкі, што гатовы на такі абмен, але паставіў свае ўмовы. Ён сказаў, што гатовы абмяняць сябе і ўсю мужчынскую каманду НАУ на ўсіх палітзняволеных Беларусі.