Лукашэнка падпісаў закон аб рэлігійных арганізацыях
Ліквідаваная пратэстанцкая царква "Новае Жыццё" / царква "Новае Жыццё"
Аляксандр Лукашэнка падпісаў закон, які карэктуе дзейнасць рэлігійных арганізацый у Беларусі, паведамляе ягоная прэс-служба.
Цягам года рэлігійныя арганізацыі павінны прайсці перарэгістрацыю. Прычым патрабаванні да рэлігійных грамадаў сталі больш жорсткія, чым былі раней.
Каб стварыць рэспубліканскае рэлігійнае аб'яднанне, цяпер патрэбна, каб у яго складзе былі дзейныя рэлігійныя суполкі ў кожнай вобласці і ў Мінску. Таксама для стварэння такога аб'яднання цяпер патрабуецца большая колькасць суполак, чым раней, і хаця б адна з іх павінна дзейнічаць не менш як 30 гадоў.
ТГ-канал "Хрысціянская візія" канстатуе, што новы закон мае рэпрэсіўны характар і не адпавядае міжнародным стандартам сферы свабоды сумлення і дзейнасці рэлігійных арганізацый. У ім узмацняецца адміністрацыйны кантроль за рэлігійнымі арганізацыямі. Улады атрымаюць большыя магчымасці адмаўляць такім арганізацыям у рэгістрацыі, пазбаўляць іх рэгістрацыі і ліквідаваць іх.
Мяркуецца, што асноўнай мішэнню новага закона стануць пратэстанцкія цэрквы ў Беларусі.
