Лукашэнка прызначыў сваіх прадстаўнікоў у Брэсцкай і Гомельскай абласцях

13 красавіка Аляксандр Лукашэнка сваім указам прызначыў упаўнаважаных прадстаўнікоў кіраўніка дзяржавы ў Брэсцкай і Гомельскай абласцях, перадае БЕЛТА.

У Брэсцкай вобласці гэтую пасаду заняў дзяржаўны сакратар Савета бяспекі Андрэй Раўкоў, а ў Гомельскай — намеснік прэм'ер-міністра Юрый Назараў.

Раней прадстаўніком кіраўніка дзяржавы ў Брэсцкай вобласці быў Міхаіл Мясніковіч. Цяпер ён займае пасаду старшыні Еўразійскай эканамічнай камісіі ў Маскве. 

У Гомельскай вобласці пасаду займаў першы віцэ-прэм'ер Аляксандр Турчын. Цяпер ён кіруе Мінскай вобласцю.

Пасады ўпаўнаважаных прадстаўнікоў кіраўніка дзяржавы з'явіліся ў 2017 годзе. Чыноўнік на гэтай пасадзе прадстаўляе інтарэсы кіраўніка дзяржавы на адпаведнай тэрыторыі і падпарадкоўваецца яму асабіста. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.