Лукашэнка: рыхтуецца сустрэча з удзелам Пуціна, Назарбаева і Парашэнкі
Пра гэта кіраўнік Беларусі заявіў падчас сустрэчы з лідэрамі кампартый Расіі і Украіны Генадзем Зюганавым і Пятром Сіманенкам.
Вось што сказаў Аляксандр Лукашэнка:
"У бліжэйшы час мы плануем, прэзідэнты Беларусі, Расіі, Казахстана, Украіны (калі Украіна на гэта пойдзе, хаця адмовы няма). Плануецца шэраг сустрэч для таго, каб прынцыпова абмеркаваць: што ж адбываецца тут у нас".
Таксама Лукашэнка адзначыў, што Захад імкнецца ўцягнуць народы былога СССР у "бойню" ці нават у сапраўдную "новую вайну". Кіраўнік Беларусі прызнаўся, што ён прапаноўваў Захаду варыянт замірэння ва Украіне.
Фота — Коммерсант
