Лукашэнка выклікаў Шэймана, Сергеенку і Качанаву

Як вядома, у чацвер быў "кадравы дзень". Лукашэнка прызначыў новага намесніка кіраўніка Адміністрацыі прэзідэнта. Ім стаў Валерый Бельскі. Ён заменіць Мікалая Снапкова. Новым намеснікам кіраўніка спраў прэзідэнта стаў Генадзь Богдан. Таксама была дадзена згода на прызначэнне старшыні Віцебскага гарвыканкама, рэктара Віцебскага дзяржуніверсітэта імя Машэрава, гендырэктараў Мінскага завода колавых цягачоў, ЗАТ "Атлант" і г. д.

Падчас сустрэчы Лукашэнкі з Шэйманам, Сергеенкам і Качанавай "асабліва акцэнтавалася ўвага на неабходнасці ўзгодненых дзеянняў у працы дзяржорганаў". У ёй мусіць быць забяспечана пераемнасць. Былі абмеркаваны і неназваныя "арганізацыйныя пытанні", на якіх будзе сканцэнтравана ўвага. Яны могуць мець дачыненне да будучай прэзідэнцкай выбарчай кампаніі, паколькі згадваліся і "сацыяльна-эканамічныя і палітычныя працэсы".