Ля берагоў Італіі перакулілася і затанула 50-метровая яхта
Яхта трапіла ў нечакана моцны шторм / corriere.it
Ля берагоў Італіі недалёка ад сталіцы Сіцыліі Палерма перакулілася і затанула 50-метровая яхта Bayesian. Раніцай у панядзелак яна трапіла ў нечакана моцны шторм. З 22 чалавек, якія былі на борце, выратавалі 15 (сярод іх было маленькае дзіця). Шэсць чалавек, грамадзяне ЗША, Канады і Вялікабрытаніі (у тым ліку брытанскі мультымільянер Майкл Лінч), лічацца зніклымі без вестак. Адзін мужчына загінуў, яго цела знайшлі. Гэта бартавы кухар, ураджэнец Канады, паведамляе corriere.it.
corriere.it
