Мігранты на беларускай-польскай мяжы кідаліся ў памежнікаў камянямі
Польска-беларуская мяжа / twitter.com/Straz_Graniczna
Польскія памежнікі ў панядзелак пацярпелі ад нападу з беларускай тэрыторыі. У іх ляцелі камяні і палкі. Памежная ахова Польшчы апублікавала відэазапіс. Інцыдэнт адбыўся на ўчастку пагранзаставы ў Дубічах-Царкоўных.
"Патруль польскіх службаў быў атакаваны групай мужчын, якія знаходзяцца на беларускім баку. Замежнікі былі незадаволеныя тым, што мяжа Польшчы ахоўваецца. Кідалі камянямі і галінкамі", — расказалі ў польскай Памежнай службе. Там таксама адзначылі, што мужчыны знаходзіліся ў памежнай зоне "са згоды беларускіх службаў". У кадр трапілі трое мужчын за агароджай. Таксама там чуваць гукі траплення нечага цяжкага ў металічны плот.
#zgranicy
— Straż Graniczna (@Straz_Graniczna) March 28, 2023
Wczoraj na odcinku #PSGDubiczeCerkiewne patrole służb zostały zaatakowane przez grupę mężczyzn znajdujących się po stronie Cudzoziemcy byli niezadowoleni, że granica jest ochraniana. Rzucali kamieniami i gałęziami.W strefie przy granicy znaleźli się za zgodą służb. pic.twitter.com/jNdLuHlKR8
