"Мінскводаканал" прыгнаў чатыры машыны з пітной вадой у Фрунзенскі раён Мінска

У Фрунзенскі раён Мінска арганізаваны падвоз пітной вады ў аўтацыстэрнах, паведамляе "Мінскводаканал".
 
Як распавядала Еўрарадыё, зранку 29 ліпеня прарвала трубаправод дыяметрам 900 міліметраў на вуліцы Мазурава. Аварыю ліквідавалі. Але "Мінскводаканал" папярэдзіцў, што ў бліжэйшыя двое сутак у Фрунзенскім і Маскоўскім раёнах сталіцы якасць вады можа пагоршыцца. 

Цяпер цыстэрны з пітной вадой стаяць па наступных адрасах: 

Кунцаўшчына, 25;

Сухараўская, 63;

Скрыпнікава, 21;

Мазурава, 27.

"Па зваротах спажыўцоў аўтамабілі будуць мяняць месца стаянкі", — запэўніваюць у "Мінскводаканале". 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.