МУС Украіны заяўляе пра забітага міліцыянта
Цела 27-гадовага супрацоўніка Галасееўскага райаддзелу кіеўскай міліцыі знайшлі ў пятніцу ўвечары на будоўлі.
Малады чалавек працаваў у аддзеле аховы, які знаходзіцца непадалёк ад размяшчэння палка “Беркута”. Міліцыя звязвае гэтае забойства з дзеяннямі радыкальных груповак. Тыя ж самыя групоўкі, па версіі МУС, выязджаюць у рэгіёны групамі па 50-60 чалавек.
Таксама МУС Украіна заявіла пра траіх захопленых міліцыянтаў, адзін з якіх быў паранены нажом і шпіталізаваны. У штабе Еўрамайдану адмаўляюць факт захопу, перадае korrespondent.net.
