Мужчынская зборная Беларусі па гандболе згуляла ўнічыю з Аўстрыяй

Мужчынская зборная Беларусі па гандболе згуляла ўнічыю з Аўстрыяй — 28:28 (15:15). Гэта быў матч плэй-оф кваліфікацыі чэмпіянату свету 2019 года, ён прайшоў у нядзелю ў палацы спорту "Уручча" ў Мінску ў прысутнасці амаль 2800 балельшчыкаў.

Паядынак для дружыны Юрыя Шаўцова аказаўся няпростым. На апошніх хвілінах беларусы здолелі адыграць чатыры мячы. Больш падрабязна пра гульню гл. тут. Паўторны паядынак пройдзе 13 чэрвеня ў Вене. У фінальны турнір сусветнага першынства атрымае пуцёўку пераможца супрацьстаяння па выніках двух матчаў.