На Акрэсціна ёсць мужчына, якога не могуць асудзіць, бо ён не называе прозвішча

У Мінску працягваюцца суды над людзьмі, затрыманымі 25 і 26 сакавіка. Глеб Галушка аштрафаваны на 460 рублёў (20 базавых велічыняў). Актывіст "Моладзі БНФ" Мікіта Краснакуцкі асуджаны на 10 сутак. Тэлеаператара Аляксандра Баразенку асудзілі на 15 сутак арышту. 

Таксама Еўрарадыё даведалася, што на Акрэсціна сярод затрыманых ёсць былы альпініст Валерый. Сваё прозвішча ён назваць адмаўляецца, пакуль яму не патлумачаць, чаму яго затрымалі. У аўтазаку яму стала дрэнна, бо яму пашкодзілі рэбры. Мужчыну прыкладна 60 гадоў. Асудзіць яго не могуць, бо не ведаюць прозвішча.