На аўтастанцыі ў Камянцы затрымалі замежніка: пытаўся, як дабрацца да Брэста
Аўтастанцыя ў Камянцы / kamenec.by
На аўтастанцыі ў Камянцы затрымалі замежніка. Мужчына пытаўся ў людзей, як дабрацца да Брэста. Аднак замест абласнога цэнтра трапіў у камянецкі аддзел міліцыі. Па словах мужчыны, ён нелегальна пабываў у Польшчы, адкуль яго вярнулі назад у Беларусь.
Як піша раённая газета, замежнік — грамадзянін Афганістана. Пасля нелегальнага пераходу мяжы, ён чатыры дні хаваўся ў Польшчы ў лесе, пакуль яго не знайшлі і затрымалі (сцвярджае, што яшчэ і збілі). Выданне адзначае, што ў мужчыны "пры сабе з асабістых рэчаў — печыва, кансерва і скрываўленая кашуля". Ён сцвярджае, што не пойдзе зноў прарывацца праз мяжу, а нібыта хоча трапіць у прадстаўніцтва ААН у Мінску.
Як вядома, адказнасць за міграцыйны крызіс на мяжы РБ і краін ЕС ускладаецца на рэжым Аляксандра Лукашэнкі. Беларускія сілавікі не перашкаджаюць мігрантам штурмаваць мяжу з Польшчай. Іх колькасць імкліва павялічваецца.
