На чэмпіянаце Еўропы па футболе загінуў заўзятар з Паўночнай Ірландыі
На чэмпіянаце Еўропы па футболе загінуў заўзятар з Паўночнай Ірландыі. Няшчасны выпадак адбыўся ў Ніцы 12 чэрвеня. Пасля матчу паміж зборнымі Паўночнай Ірландыі і Польшчы (палякі выйгралі з лікам 1:0) 25-гадовы мужчына зваліўся з васьміметровай набярэжнай на пляж.
The Telegraph адзначае, што ў той момант на набярэжнай было шмат заўзятараў і яны знаходзіліся ў стане алкагольнага ап'янення. Дарэчы, у той жа вечар у Ніцы мясцовая моладзь атакавала заўзятараў з Паўночнай Ірландыі, пачалася бойка, у якой пацярпелі 7 чалавек, адзначае meduza.io.
