На Камароўскім рынку ў Мінску гарэў гандлёвы павільён

На Камароўскім рынку ў Мінску гарэў гандлёвы павільён. Здарэнне адбылося ўдзень 29 ліпеня: ратавальнікам пра пажар на вуліцы Кульман паведамілі ў 15:45. Узгаранне адбылося на першым паверсе. Там гарэла маёмасць на плошчы 12 квадратных метраў. Пажар хутка ліквідавалі. Ніхто з людзей не пацярпеў.

Агонь паспеў пашкодзіць маёмасць і падвесную столь у двух гандлёвых павільёнах. Прычына ўзгарання пакуль невядомая. Ёсць версія, што адбылося кароткае замыканне электраправодкі столевай свяцільні, паведамляе minsk.mchs.gov.by.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.