На Мядзельшчыне дзяцей ў лесе знаёмілі з трохлінейнай вінтоўкай Мосіна
Афіцэр прывёз макеты трохлінейнай вінтоўкі Мосіна і рэвальвера сістэмы Нагана / t.me/narachanka/
На Мядзельшчыне дзяцей ў лесе знаёмілі са зброяй, якая выраблялася ў канцы XIX стагоддзя. Такія мерапрыемствы наладзілі ў "ваенна-патрыятычных лагерах". Як піша раённая газета, начальнік групы прызыву на ваенную службу ваеннага камісарыята Мядзельскага раёна капітан Алег Калеснік прывёз не сучасную зброю (а звычайна яе даюць патрымаць дзецям сілавікі), а макеты трохлінейнай вінтоўкі Мосіна ўзору 1891-га і рэвальвера сістэмы Нагана ўзору 1895 года. Дзіўны выбар.
Афіцэр агітаваў дзяцей у будучым паступаць у вышэйшыя ваенныя навучальныя ўстановы.
