На ўкол для 3-гадовай дзяўчынкі з Ліды сабралі амаль 2 млн долараў
Рыта Юшкевіч / lidanews.by
На ўкол для 3-гадовай дзяўчынкі з Ліды Рыты Юшкевіч сабралі амаль 2 млн долараў. Пра гэта ў Instagram паведаміла яе маці.
У Рыты спінальная мышачная атрафія II тыпу. Для лячэння патрабуецца адзін укол Zolgensma, які каштуе вялізныя грошы. Але іх удалося сабраць.
"У жыцці Рыты будзе толькі адзін дзень, шчаслівейшы за гэты — калі яна атрымае Zolgensma! — піша Святлана Юшкевіч. — А сёння той самы дзень, да якога мы ішлі два гады!.. Сёння вы маеце права сказаць усім — мы сабралі Рыце на ўкол жыцця!".
