Найбуйнейшы фестываль у свеце і продаж TikTok у ЗША — #ІхНоравы | Навіны Беларусі

Жанчыны выступілі супраць аўтара бэстсэлераў “Пясочны чалавек”, “Зорны пыл”, “Амерыканскія багі” Ніла Геймана з абвінавачаннямі ў сексуалізаваным гвалце. А авіякампанія Ryanair патрабуе, каб еўрапейскія ўлады ўвялі абмежаванні на продаж алкаголю ў барах аэрапортаў.

Пра гэта ды іншае — у нашай штодзённай рубрыцы “Іх норавы”.

Кітай хоча прадаць TikTok у ЗША Ілану Маску?

Амерыканскі Bloomberg паведаміў, што кітайскія чыноўнікі вядуць перамовы наконт магчымага продажу бізнесу TikTok у ЗША мільярдэру Ілану Маску.

Згодна з адным з планаў дзеянняў кітайскага ўрада, кампанія X Маска возьме пад кантроль TikTok US і будзе кіраваць дзвюма сацсеткамі — X (былы Твітар) і TikTok. Выданне піша, што TikTok зможа прыцягнуць новых рэкламадаўцаў сацсеткі X, а штучны інтэлект xAI — вучыцца на мільёнах кароткіх відэа.

Найбуйнейшы фестываль у свеце і продаж TikTok у ЗША — #ІхНоравы

Solen Feyissa / Unsplash

У артыкуле гаворыцца, што бізнес TikTok у ЗША можа быць прададзены альбо на конкурсе, альбо па дамове з урадам.

Прадстаўнік TikTok у адказ на просьбу Variety пракаментаваць сітуацыю заявіў, што ад іх не трэба чакаць рэакцыі на “найчысцейшую выдумку”.

У пачатку студзеня TikTok абвясціў пра спыненне працы ў ЗША з 19 студзеня праз судовую забарону. У красавіку Маск пісаў, што пазбаўляць грамадзян ЗША доступу да сацсеткі нельга, інакш будзе парушанае права на свабоду слова і выказвання.

Новы закон ЗША, які ўступае ў сілу ў студзені, патрабуе ад матчынай кампаніі ByteDance прадаць сваю долю ў амерыканскай “дачцэ” TikTok — або сацсетку чакае блакаванне. Урад Кітая валодае "залатой акцыяй" у ByteDance, якая, паводленекалькіх чальцоў Кангрэса, дае яму кантроль над сацсеткай. У прэс-службе кампаніі запэўнівалі, што кітайскія ўлады не кантралююць аперацый за межамі КНР.

Новаабраны прэзідэнт ЗША Дональд Трамп заклікаў суд прыпыніць уступленне закона ў сілу, спасылаючыся на грамадзянскія правы амерыканцаў, хаця сам падчас першага прэзідэнцкага тэрміну спрабаваў арганізаваць продаж TikTok у ЗША праз асцярогі што да нацбяспекі.

Упершыню за 144 гады ў Індыі праходзіць фестываль Maha Kumbh Mela

У Індыі афіцыйна стартаваў “Маха Кумбха Мэла”, які прыцягнуў вернікаў у святы горад Праяградж на 45-дзённы фестываль.

Арганізатары чакаюць каля 400 мільёнаў наведнікаў, што зробіць мерапрыемства самым вялікім рэлігійнім святам у свеце. Маштаб падзеі настолькі вялікі, што яго відаць нават з космасу.

Мільёны індуісцкіх паломнікаў, містыкаў і святых людзей збіраюцца ў святым месцы зліцця рэк Ганг, Ямуна і міфічнай Сарасваці, дзе будуць купацца ў водах, якія, як лічыцца, ашышчаюць душу і дух. Індуісты вераць, што акунанне ў святыя воды прыносіць выратаванне і вызваленне.

Тэрыторыя фестывалю ахоплівае 40 квадратных кіламетраў і ўключае жыллё, дарогі, электрычнасць, ваду і вежы сувязі. На тэрыторыі таксама ёсць 11 бальніц, якія аказваюць медыцынскую дапамогу наведнікам. Улады задзейнічалі каля 50 000 супрацоўнікаў службы бяспекі, а таксама падключылі больш за 2500 камер назірання, у тым ліку са штучным інтэлектам, каб сачыць за натоўпам і пазбягаць магчымай цісканіны.

Ashwini Bhatia / AP

"Мы адчуваем сябе тут ціхамірна і знаходзім выратаванне ад цыклаў жыцця і смерці", — расказаў агенцтву Associated Press паломнік.

Акрамя духоўнага значэння фестываль мае і палітычнае. Мінулыя лідары Індыі доўгі час выкарыстоўвалі яго для стварэння мацнейшых сувязяў з індуісцкай большасцю краіны, якая складае амаль 80% ад 1,4 мільярда грамадзян. Але за прэм'ер-міністрам Нарэндрам Модзі фестываль набыў большую ролю, стаўшы ключавой часткай прасоўвання яго ўрадам індуісцкага нацыяналізму.

Вядомага пісьменніка абвінавацілі ў сексуалізаваным гвалце

Восем жанчын расказалі New York Magazine пра сексуалізаваны гвалт з боку пісьменніка Ніла Геймана. Журналісты выдання таксама вывучылі перапіскі і электронныя лісты паміж жанчынамі і іх сябрамі, а таксама паведамленні Геймана меркаваным ахвярам.

У прыватнасці, Скарлет Паўлавіч, якая ўжо раней выступала на гэтую тэму публічна, падзялілася новымі падрабязнасцямі меркаванага гвалту з боку пісьменніка. Яна сцвярджае, што Гейман неаднаразова гвалтаваў яе, падвяргаў здзекам і зневажаў, калі яна працавала нянькай іх з Амандай Палмер сына.

Weston Wells / Variety

Сярод іншага жанчына сцвярджае, што Гейман загадаў ёй заняцца з ім аральным сексам, пакуль ён глядзеў першы сезон "Пясочнага чалавека". Яна таксама расказала, што ў некаторых выпадках аральнага сэксу ён прымушаў яе есці ўласныя ваніты. Таксама ён называў жанчыну сваёй рабыняй і аднойчы "пачаў займацца з ёй сексам", пакуль яго сын гуляў на айпадзе ў тым жа гатэльным нумары.

У матэрыяле таксама прыводзяцца абвінавачанні Кендры Стаўт, якая кажа, што ўпершыню сустрэлася з Гейманам у 2003 годзе на фанацкім мерапрыемстве ў Флорыдзе, дзе пісьменнік змушаў яе да грубага сексу. А ў 2007 годзе ён згвалтаваў яе падчас адпачынку ў Корнуале пасля таго, як у яе развілася мачакаменная хвароба, “якая стала настолькі сур'ёзнай, што яна не магла сядзець”.

Marty Sakin / Unsplash

Нагодай, між іншым, стаў мінулагодні выпадак, калі Ryanair мусіў перанакіраваць самалёт, які ляцеў з Дубліна на Лансаротэ, у Порту праз паводзіны п’янага пасажыра.

Авіакампанія падала супраць яго пазоў на 15 000 еўра за выдаткі на гатэль для 160 пасажыраў і чальцоў экіпажа, за пасадку і абслугоўванне ў партугальскім аэрапорце і за замену экіпажа праз абмежаванні па колькасці лётных гадзін. У гэтую суму таксама ўваходзяць выдаткі на паліва, страту продажаў у палёце і за судовыя выдаткі ў Партугаліі.