Новы кіраўнік "Беларуськалію" абяцае змагацца за адмену санкцый
"Беларуськалій", ілюстрацыйнае фота
"Беларуськалій" працягне змагацца за адмену заходніх санкцый. Пра гэта ў эфіры дзяржтэлеканала "Беларусь 1" заявіў гендырэктар прадпрыемства Андрэй Рыбакоў.
"Будзем у кожным разе пра сябе нагадваць і тыя неправамерныя дзеянні, якія былі накіраваныя супраць "Беларуськалію", супраць нашай краіны", — заявіў ён.
Як расказвала Еўрарадыё, 4 лістапада Лукашэнка прызначыў Андрэя Рыбакова гендырэктарам "Беларуськалію". Ён замяніў на гэтай пасадзе Івана Галаватага, якога Лукашэнка паабяцаў адправіць амбасадарам у краіну, дзе ведаюць рускую мову.
"Беларуськалій" трапіў пад санкцыі ЕС у 2022 годзе. Прадпрыемства падало ў суд ЕС на адмену гэтага рашэння. Аднак сёлета ў верасні Еўрапейскі суд у Люксембургу адмовіўся адмяняць абмежавальныя меры.
