Пад Мінскам мужчына зваліўся ў 15-метровы калодзеж
У Гатаве мужчына зваліўся ў ачышчальны рэзервуар / МНС
5 кастрычніка ў 15:50 ратавальнікам паведамілі, што ў аграгарадку Гатава Мінскага раёна трэба дастаць мужчыну з калодзежа.
Выявілася, што гаворка ідзе пра рэзервуар ачышчальных збудаванняў, дзе праводзіліся рамонтныя работы. Верагодна, уздымаючыся па будаўнічай драўлянай лесвіцы на паверхню, мужчына спатыкнуўся і зваліўся ў рэзервуар глыбінёй каля 15 метраў.
Калі ратавальнікі прыбылі на месца выкліку, побач з пацярпелым ужо былі медыкі. Ратавальнікі паклалі мужчыну на насілкі, зафіксавалі і паднялі наверх. Там яго перадалі яго хуткай для шпіталізацыі.
