"Пад прэсам": Прадпрымальнікі бастуюць супраць ураўнілаўкі
Як звычайным спажыўцам нельга было не заўважыць, што рынкі амаль не працуюць, так і беларускія СМІ не маглі абмінуць увагай тое, што большасць прадпрымальнікаў пасля Новага году не выйшлі на працу. Інтэрнэт-выданні занепакоіліся – ІПэшнікі бастуюць! “Нягледзячы на звычайны рэжым працы, 2 студзеня больш як 90% прадпрымальнікаў не адкрылі свае гандлёвыя кропкі. У Мінску на рынках у Ждановічах, Малінаўцы, "Экспобеле" працавалі толькі адзінкі. Такая сітуацыя назіралася па ўсёй рэспубліцы. Такім чынам прадпрымальнікі страйкуюць супраць указу № 760”. – піша Хартыя’97.
Аднак ужо праз некалькі дзён нават тыя, хто сцвяржаў, што прадпрымальнікі страйкуюць – пагадзіліся: яны проста яшчэ не выйшлі на працу пасля святаў. Так, старшыня савету прадпрымальнікаў гандлёвых цэнтраў сталіцы “Еўропа” і “Паркінг” Кацярына Чыжык заявіла ў інтэрв’ю Еўрарадыё:
“У гандлёвых цэнтрах працэнтаў 50 працуе. Вельмі цяжка зразумець. То яны кажуць, што бастуюць, то яны кажуць, што аформілі адпачынак і пакуль робяць дакументы. Канкрэтнай інфармацыі няма. Яны напісалі на дзвярах: па тэхнічных прычынах. Калі б яны напісалі: бастуем ці адпачынак… Але ж напісана: па тэхнічных прычынах”.
Намеснік міністра эканомікі Андрэй Тур неаднаразова ў розных СМІ заяўляў, што хвалявацца не трэба. У інтэрв’ю газеце “Экспресс Новости” ён зазначыў, што ні пра якую забастоўку гутаркі не йдзе:
“У нас студзень – гэта заўсёды мёртвы сезон. Шмат індывідуальных прадпрымальнікаў ішлі ў адпачынак”.
Аднак нашаму радыё ён заявіў: 10 студзеня забастоўка будзе. Яна і адбылася. Больш за тысячу чалавек выйшла на Кастрычніцкую плошчу ў Мінску. Аднак нават на гэтую падзею погляды ў беларускіх СМІ раздзяліліся.
Так, “Наша Ніва” піша: “Амаль ніхто не чакаў, што акцыя 10 студзеня будзе настолькі масавай і рашучай і што да прадпрымальнікаў, якія складалі толькі частку ўдзельнікаў акцыі далучыцца столькі актывістаў апазыцыі і проста людзей на вуліцах”.
А вось газета “Советская Белоруссия” піша, што прадпрымальнікі, якія выйшлі на плошчу, проста не раумеюць, што робяць:
“Наўрад ці тыя бізнэсмэны, хто выйшлаў на плошчу, разумеюць абсалютна нескладаныя рэчы. Яны, у большасці сваёй простыя і добрыя людзі, і не спакушаныя ў тым, што ў нас разумеецца пад тонкім словам “палітыка”. Таму яны шчыра мяркуюць, што Міхалевіч-Мілінкевіч, якія ніколі ў жыцці не вырасцілі і тым больш не прадалі вядра бульбы, рэальна дапамогуць ім у спецыфічных прадпрымальніцкіх праблемах”.
“СБ” усклікае, чаму звычайная фірма з 5 ці 155 супрацоўнікамі мае адну падатковую базу, а індывідуальныя прадпрымальнікі зусім іншую? Куды як больш ільготную. Дзе ж сацыяльная справядлівасць? Несправядліва!
Журналіст “Экспресс Газеты” быццам адказвае на гэтае пытанне. Шмат хто з сённяшніх ІП і не супраць стаць буйнейшым, зрабіцца юрыдычнай асобай. “Але не галопам, як гэта прапаноўваецца, а з часам, калі будзе створаа і адпрацаваная ўся сістэма і ўсім будзе зразумела, куды пераходзяць ІП і як яны будуць працаваць”.
Можа быць менавіта таму, што пакуль незразумела, куды рухаюцца прадпрымальнікі са сваімі забастоўкамі і ўлады са сваімі ўказамі, некаторыя рэспубліканскія газеты проста маўчаць, не заўважаючы праблемы. Так, “Звязда” увогуле не напісала ні слова пра мітынг.
Аднак ужо праз некалькі дзён нават тыя, хто сцвяржаў, што прадпрымальнікі страйкуюць – пагадзіліся: яны проста яшчэ не выйшлі на працу пасля святаў. Так, старшыня савету прадпрымальнікаў гандлёвых цэнтраў сталіцы “Еўропа” і “Паркінг” Кацярына Чыжык заявіла ў інтэрв’ю Еўрарадыё:
“У гандлёвых цэнтрах працэнтаў 50 працуе. Вельмі цяжка зразумець. То яны кажуць, што бастуюць, то яны кажуць, што аформілі адпачынак і пакуль робяць дакументы. Канкрэтнай інфармацыі няма. Яны напісалі на дзвярах: па тэхнічных прычынах. Калі б яны напісалі: бастуем ці адпачынак… Але ж напісана: па тэхнічных прычынах”.
Намеснік міністра эканомікі Андрэй Тур неаднаразова ў розных СМІ заяўляў, што хвалявацца не трэба. У інтэрв’ю газеце “Экспресс Новости” ён зазначыў, што ні пра якую забастоўку гутаркі не йдзе:
“У нас студзень – гэта заўсёды мёртвы сезон. Шмат індывідуальных прадпрымальнікаў ішлі ў адпачынак”.
Аднак нашаму радыё ён заявіў: 10 студзеня забастоўка будзе. Яна і адбылася. Больш за тысячу чалавек выйшла на Кастрычніцкую плошчу ў Мінску. Аднак нават на гэтую падзею погляды ў беларускіх СМІ раздзяліліся.
Так, “Наша Ніва” піша: “Амаль ніхто не чакаў, што акцыя 10 студзеня будзе настолькі масавай і рашучай і што да прадпрымальнікаў, якія складалі толькі частку ўдзельнікаў акцыі далучыцца столькі актывістаў апазыцыі і проста людзей на вуліцах”.
А вось газета “Советская Белоруссия” піша, што прадпрымальнікі, якія выйшлі на плошчу, проста не раумеюць, што робяць:
“Наўрад ці тыя бізнэсмэны, хто выйшлаў на плошчу, разумеюць абсалютна нескладаныя рэчы. Яны, у большасці сваёй простыя і добрыя людзі, і не спакушаныя ў тым, што ў нас разумеецца пад тонкім словам “палітыка”. Таму яны шчыра мяркуюць, што Міхалевіч-Мілінкевіч, якія ніколі ў жыцці не вырасцілі і тым больш не прадалі вядра бульбы, рэальна дапамогуць ім у спецыфічных прадпрымальніцкіх праблемах”.
“СБ” усклікае, чаму звычайная фірма з 5 ці 155 супрацоўнікамі мае адну падатковую базу, а індывідуальныя прадпрымальнікі зусім іншую? Куды як больш ільготную. Дзе ж сацыяльная справядлівасць? Несправядліва!
Журналіст “Экспресс Газеты” быццам адказвае на гэтае пытанне. Шмат хто з сённяшніх ІП і не супраць стаць буйнейшым, зрабіцца юрыдычнай асобай. “Але не галопам, як гэта прапаноўваецца, а з часам, калі будзе створаа і адпрацаваная ўся сістэма і ўсім будзе зразумела, куды пераходзяць ІП і як яны будуць працаваць”.
Можа быць менавіта таму, што пакуль незразумела, куды рухаюцца прадпрымальнікі са сваімі забастоўкамі і ўлады са сваімі ўказамі, некаторыя рэспубліканскія газеты проста маўчаць, не заўважаючы праблемы. Так, “Звязда” увогуле не напісала ні слова пра мітынг.
