Хто з беларускіх музыкаў сабраў мільёны праслухоўванняў на Spotify ў 2024

“Молчат дома” — калектыў з Мінска, які выконвае рок-музыку, што спалучае такія жанры, як постпанк, сінці-поп і нью-вэйв.

Музыкі выступілі супраць гвалту падчас пратэстаў у Беларусі ў 2020 годзе, а таксама выказваліся супраць вайны ва Украіне.

Цяпер гурт актыўна гастралюе ў краінах Еўропы і Амерыкі.

Макс Корж

У лунінецкага спевака Макса Каржа таксама досыць вялікія лічбы. За год — 102 мільёны праслухоўванняў са 179 краін свету.

У беларускага рэпера велізарныя натоўпы фанатаў не толькі ў краінах былога СССР, але і ў Еўропе.

Улетку Корж сабраў два вялікія канцэрты ў Празе і Таліне, а на наступнае лета анансаваў вялікае шоу ў Варшаве.

Нагадаем, некалькі месяцаў таму паведамлялася, што Корж выехаў з Беларусі.

Naviband

Некалі гурт Naviband, які прадстаўляў Беларусь на Еўрабачанні, расказаў Еўрарадыё, што за апошні год змог сабраць на Спатыфаі 1,44 млн праслухоўванняў.

Пасля ад'езду з Беларусі музыкі пасяліліся ў Польшчы, актыўна гастралююць, выпускаюць новыя трэкі і рыхтуюцца да рэлізу новага альбома.

Intelligency

Вядомы далёка за межамі нашай краіны мінскі гурт Intelligency таксама можа пахваліцца вялікімі лічбамі на Спатыфаі.

Так, за 2024 год беларускіх тэхна-музыкаў праслухалі 6,47 млн разоў са 177 краін свету, расказалі артысты.

У канцы года гурт запісаў новы альбом і пракаціўся з турам па гарадах Еўропы.

ROMANTICA

Беларускі прадзюсар і музыка, які супрацоўнічае з беларускім лэйблам GOST MUSIC, збірае велізарную колькасць праслухоўванняў на стрымінгах.

Nürnberg актыўна гастралюе не толькі ў краінах Еўропы, але і ў Лацінскай Амерыцы, у прыватнасці ў Калумбіі і Мексіцы. 

А сёлета музыкі запісалі новы альбом пад назвай Adkaz.
 

Ketevan

Маладая беларуская артыстка грузінскага паходжання Ketevan пасля пратэстаў 2020 года была вымушаная з'ехаць з Беларусі. Цяпер яна жыве ў Польшчы, запісвае новыя песні, супрацоўнічае з іншымі музыкамі і час ад часу выступае.